اولا احب ان اسئلكم سؤال مهم
هل من الممكن ان يأخذ شخص معين رزق شخص آخر ؟!
لماذا الناس تتصارع لأخذ رزق الغير ونسوا ان الله هو اللى بيقسم الارزاق ونسوا ايضا ان ما فيش حد هياخذ اى شىء معه غير الكلمة الطبية والعمل الصالح وكمان ان الكفن ليس له جيوب علشان كل اللى فاكر انه فى الدنيا بيملك المال والجاه فاكر ايضا انه هياخذ كل شىء معه لمة يموت ولكن هم بيضحكوا على انفسهم لان الحياة فانية ولازم نعمل لاخرتنا وليس لدنيا .ما اجمل ان يكون الانسان سعيد فى الدنيا وحزين فى الاخرة والشيطان يكون هو فى الاخر هو المنتصر والفرحان ان هو قدر عليه, ولكن لماذا نعطى الشيطان فرصة ان هو اللى ينتصر علينا ؟ لازم احنا اللى ننتصر عليه بالايمان واحنا اقوى منه فى كل شىء ربنا فضلنا عليه وخلقنا احسن منه فى كل شىء لكى نذكره فى كل شىء ونسبحه ونحمده ونشكره فى كل شىء ونسجد له مش خقلنا لكى نتصارع على اخذ رزق بعضنا,
كان فى قصة صغير احب ان ارويها لكم كان فى شخص كان بيدور على شغل والحمد لله بفضل ربنا عليه وجد شغل فى شركة كويسة كان فى ناس اقدم منه فى الشغل هذا كل يوم بيحاولوا انهم ياذوه فى الشغل علشان خايفين انه هو ياخذ رزقهم علشان هو جديد وكمان المرتب اللى بياخذه اقل منهم واى صاحب شركة على حسب ما سمعت من هذا الشخص ان هو بيمشى اللى بيكون مرتب عالى والثانى بياخذ مرتب اقل وهو بيعمل نفس الشغل بس اكيد ما فيش صاحب شغل عاقل بيعمل كدة حسب ما قلت له ,اتعرفون لماذا ؟
اولا علشان الشخص اللى بيكون قديم فى الشغل دى بيكون له خبرة عالية اكثر من اللى بيكون لسة شغل فيها جديد
ثانيا ان برضة ما فيش حد بياخذ رزق شخص اخر ربنا سبحانه وتعالى بيرزق الدودة فى الحجر مش هيزرق الانسان وهو فضلنا على سائر مخلوقاته وكمان ربنا بيرزقنا من حيث لا نحتسب الرزق بيد الله سبحانه وتعالى مش بيد المخلوق لو كان المخلوق اللى بيعطى الرزق كان كلنا قتلنا بعض من زمان وما فضل منا مخلوق واحد يحمد ربنا وسجد ويسبح ليه ويشكره على نعمته ياريت كل اللى بيفكر بى هذه الطريق يرجع يفكر بعقل وحكة ان ما فيش حد هياخذ رزقه مش معنى هذا ان بقول ليكم تتواكلوا على الله لا بس كل واحد يعمل اللى عليه وربنا شايف مين اللى بيشتغل ومين اللى يستحق ومين اللى بيتواكل عليه مش بيتوكل عليه ياريت نفهم هذا الكلام وربنا يهدينا جميعا الى ما يحبه ويرضاه
ملاحظة: مناقشات حول رزق الانسان وعدوه والضد الآخر، تعني ان الانسان له عدو وهو الشيطان اما الضد الاخر فهم الناس اما يؤيدوه او يعارضوه اما يساندوه او يعادوه ام يكونوا خيرا له او شرا له والرزق يكون من عند الله تعالى ، بيد ان الضد الاخر منه من يسعى جاهدا الي تحطيمه او قطع هذا الرزق عن اخيه الانسان بوسوسة من الشيطان ورغبة في حب النفس وايثارها على الاخر
فاما يقوي ايمانه وتمسكه بخالقه ويتمكن من الوقوف في وجه عدوه الشيطان واما يستسلم له ويخضع لمقاصده وانانيته ويوقع نفسه في شرك عدوه
موضوع: مناقشات حول رزق الانسان وعدوه والضد الآخر 
